Եղվարդում կախված կինը երկու անչափահասի մայր էր

Այսօր` հունիսի 25-ին, Կոտայքի մարզի Եղվարդ քաղաքի Րաֆֆու փողոցի թիվ 25 տան տանիքում հայտնաբերվել է 1979 թվականին ծնված կնոջ դի:

Yerkir.am-ի հետ զրույցում Եղվարդի քաղաքապետարանի աշխատակազմի ղեկավար Վարդան Մուրադխանյանը տեղեկացրեց, որ կախված քաղաքացին իգական սեռի ներկայացուցիչ է, ամուսնացած էր և ուներ 2 անչափահաս երեխա:

«Կախված կինը երկու երեխայի մայր էր: Բոլորս զարմացած ենք և չենք կարողանում հասկանալ` ի՞նչը կարող էր դառնալ կնոջ` այդպիսի մահվան պատճառը: Նա չէր աշխատում, բայց, ինչպես պնդում են հարևանները, հավասարակշռված կին էր»,- ասաց Մուրադխանյանը:

Մեր հարցին` ընտանիքում որևէ խնդիր առկա  եղե՞լ  է, և մահացած կնոջ ու նրա ամուսնու հարաբերությունները լա՞վ են եղել, պատասխանեց. «Ամուսինն էլ խելոք մարդ է: Նրանց միջև լարված հարաբերություններ չեն եղել: Հարևանները փաստում են, որ խաղաղ ընտանիք է եղել»: