Սամվել Ալեքսանյանն ու Վարդան Այվազյանը գերադասել են չմասնակցել թանկացումներ նախատեսող օրենքի քվեարկությանը

Այսօր ԱԺ արտահերթ նիստում խիստ վիճահարույց «Ակցիզային հարկի մասին» օրենքի քվեարկությանը որոշ գործարար պատգամավորներ, չցանկանալով դեմ, կողմ կամ ձեռնպահ լինեել, գերադասել են չմասնակցել: Այդ պատգամավորներն են Սպարտակ Մելիքյանը, Սամվել Ալեքսանյանը, Հարությունուն Ղարագյոզյանը՝ Կարամելի Հարութը, Արագած Ախոյանը, Վահան Կարապետյանը, Բազմասեր Առաքելյանը, Հայկ Գրիգորյանը, Նահապետ Գևորգյանը:

Չեն քվեարկել նաև ՕԵԿ խմբակցության ղեկավար Հեղինե Բիշարյանը և «Ժառանգություն» խմբակցության պատգամավոր Զարուհի Փոստանջյանը:

Ուշագրավ է, որ չի քվեարկել նաև ՀՀԿ-ական, ԱԺ տնտեսական հարցերի մշտական հանձնաժողովի նախագահ Վարդան Այվազյանը, ով երեկ հարցի քննարկման ժամանակ դեմ էր արտահայտվում օրենքի այդ փոփոխությանը:

ԲՀԿ-ական մյուս գործարարները հստակ դեմ են քվեարկել օրենքին:

Հիշեցնենք, որ օրենքի փոփոխությանը դեմ են քվեարկել ԲՀԿ-ն, ՕԵԿ-ը, ՀՅԴ-ն, ՀԱԿ-ը: