Երկրպագուների միասնական երթ` Հայաստան-Պորտուգալիա խաղից առաջ

 Հունիսի 13-ին Երևանի Վազգեն Սարգսյանի անվան Հանրապետական մարզադաշտում տեղի կունենա   Եվրո-2016-ի ընտրական փուլի Հայաստան-Պորտուգալիա հանդիպումը, ինչի առիթով ազգային հավաքականի երկրպագուների «Առաջին Հայկական Ճակատ» (ՖԱՖ)  ֆան-շարժումը   կազմակերպել է երկրպագուների միասնական երթ:

ՖԱՖ-ի տարածած հայտարարության մեջ մասնավորապես ասվում է.

« Հայաստանի հավաքականի բոլոր երկրպագուներին /կարևոր չէ` որ տրիբունայի տոմս եք գնել/ հունիսի 13-ին, ժամը 16:30-ին հրավիրում ենք Ֆրանսիայի հրապարակին կից Ֆիլհարմոնիայի առջև գտնվող Արամ Խաչատրյանի հուշարձանի մոտ մասնակցելու երկրպագուների միասնական մեծ երթին դեպի մարզադաշտ: 

Բոլորին կոչ ենք անում գալ Ազգային հավաքականի մարզաշապիկներով, իսկ ով չունի` հագնել կարմիր շապիկներ՝ մարզադաշտի տրիբունաները կարմիր ներկելու համար: 

Եռագույնների, երկրպագման շարֆերի առկայությունը ցանկալի է: Երթի ընթացքում կվառվեն ֆայեռներ, իսկ բոլոր ցանկացողները, մեր օգնությամբ կներկվեն եռագույնի գույներով:

Երթը կմեկնարկի 17:45, խաղի սկիզբը` 20:00-ին է»: