Անակնկալ Հայաստան-Ռուսաստան խաղից առաջ

Ռուաստանի հավաքականի և Սանկտ Պետերբուրգի «Զենիթի» առանցքային ֆուտբոլիստ Վլադիմիր Բիստրովը չի մասնակցի մարտի 26-ին կայանալիք Հայաստան-Ռուսաստան ընտրական հանդիպմանը։

Բիստրովը վնասվածք է ստացել երեկ կայացած «Անժի»-«Զենիթ» գավաթային հանդիպման ժամանակ, երբ տանտերերի կիսապաշտպան Օդիլ Ախմեդովը կոպիտ սահընկում է կատարել։ Ծանր վնասվածքի հետևանքով ֆուտբոլիստը 5-6 ամսով թողել է մարզումները։

«Դա շատ ցավալի նորություն է, քանի որ թե' ակումբին, թե' հավաքականին սպասվում են կարևոր հանդիպումներ։ Ինչևէ, ֆուտբոլը դժվար է պատկերացնել առանց վնասվածքների»,- Դիկ Ադվոկատին է մեջբերում Советский спорт-ը։

Սակայն Ադվոկատը աջ եզրում ունի Բիստրովին համարժեք փոփոխություն` Ալան Ձագոև, ով իրեն լավ է դրսևորել վերջին հանդիպումներում։