Մեզ մոտ տեղ չպիտի ունենան Խոեցյանները, Կիրակոսյաններն ու Խաչատրյանները

Մեզ մոտ տեղ չպիտի ունենան Խոեցյանները, Կիրակոսյաններն ու Խաչատրյանները, պոլիտեխնիկը կսկսի հանգիստ ապրել, եթե նրանց դուրս շպրտենք: Այսօր լրագրողների հետ հանդիպման ժամանակ հայտարարեց պոլիտեխնիկի ռեկտորի ժամանակավոր պաշտոնակատար Հովհաննես Թոքմաջյանը:

Նա նշեց, թե պոլիտեխնիկը արարման բուհ է, և այսուհետ բուհում ոչ թե զոռբայությունը պետք է գործի, այլ մարդկանց գիտական աշխատանքին նպաստելը:

«Վահե Կիրակոսյանին ազատել եմ աշխատանքից, որովհետև նա համալսարանի գումարները տեղափոխել է այլ կազմակերպություն, Աշոտ Խաչատրյանին էլ գիտխորհրդի որոշմամբ ենք հեռացրել, իսկ Վլադիմիր Խոեցյանին` պարտականությունները չկատարելու համար: Խնդիրն այն է, որ պետք չէ այս երեքը կապել իրար, և հետո` մի մոռացեք, որ ես տուժող կողմ եմ»,-ասաց Թոքմաջյանը:

Լրագրողների դիտարկմանը, թե ինչու է այս ամենի մասին հրապարակում ընտրություններից առաջ` Թոքմաջյանը վստահեցրեց, թե իր կենսագրությունը մաքրելու խնդիր չունի, ուղղակի ուզում է վերջ դնել բուհի շուրջ բարձրացած աղմուկին: