Որևէ բան չեմ բացառում. ԼՂՀ պաշտպանության նախարարը կտեղափոխվի Հայաստան

Hayeli.am-ի տեղեկությունների համաձայն՝ առաջիկայում հրաժարական կտա ԼՂՀ Պաշտպանության բանակի ղեկավար, պաշտպանության նախարար Մովսես Հակոբյանը: Ըստ լուրերի՝ նա կտեղափոխվի Հայաստան:

Yerkir.am-ի հետ զրույցում Մովսես Հակոբյանն անդրադարձավ իր հնարավոր հրաժարականին եւ Հայաստան տեղափոխվելուն: «Զինվորականին չի թույլատրվում նման տեղեկություն տրամադրել: Դա ես չեմ որոշում»,- ասաց նա:

Մեր այն հարցին, թե առաջարկ լինելու դեպքում կհամաձայնի՞ տեղափոխվել Հայաստան, նա պատասխանեց. «Որևէ բան չեմ բացառում: Դեռ կորոշենք: Մենք զինվորական ենք, ծառայության մեջ ենք և ինքներս չենք որոշում` որտեղ պետք է ծառայենք»:

Նշենք, որ, մեր տեղեկություններով ,Մովսես Հակոբյանը նշանակվելու է ՀՀ պաշտպանության փոխնախարար: Շատ հավանական է նաեւ նրա՝ ՀՀ ԶՈՒ գլխավոր շտաբի պետ նշանակվելը: