Թող նախագահի նստավայրում ոսկե զուգարանակոնք գտնեն, և ես հրաժարական կտամ. Էրդողան

Թուրքիայի պետական հեռուստաալիք TRT-ի եթերում նախագահ Ռեջեփ Թայիփ Էրդողանը խստորեն արձագանքել է ընդդիմադիր Ժողովրդա-հանրապետական կուսակցության ղեկավար Քեմալ Քըլըչթարօղլուի՝ «Էրդողանի պալատում ոսկե զուգարանակոնք կա» պնդմանը. տեղեկացնում է Taraf-ը:

«Տեսեք` առաջին անգամ եմ ասում: Ես վաղը Իգդիր և Էրզրում (Կարին) եմ գնում: Հենց ծրագիրն ավարտվի, քարտուղարին հրահանգելու եմ, որ տեղեկացնի Քըլըչթարօղլուին, որ նա կարող է գալ նախագահական նստավայր և զննել: Թող մի հատ ոսկե զուգարանակոնք կամ ծորակ գտնի, և հրաժարական կտամ: Իսկ նա հրաժարական կտա՞ կուսակցության ղեկավարի պաշտոնից: Հենց ուղիղ եթերում մարտահրավեր եմ նետում նրան»,- ասել է նա: