Քաղաքական գործիչ էի ուզում դառնալ, չստացվեց. Գազի Հովո

Արդեն տեղեկացրել ենք, որ Արտաշատի քաղաքապետի ընտրություններում ՀՀ վարչապետ Հովիկ Աբրահամյանի որդու՝ Արգամ Աբրահամյանի հիմնական մրցակից համարվող Հովհաննես Ղազարյանը՝ Գազի Հովոն, հանել է իր թեկնածությունը:

Yerkir.am-ի հետ զրույցում Հովհաննես Ղազարյանը վստահեցրեց, որ իր նկատմամբ որևէ ճնշում չի կիրառվել և իր թեկնածությունը սեփական կամքով է հանել: «Քաղաքական գործիչ էի ուզում դառնալ, չստացվեց»,- ասաց նա:

Մեր հարցին, թե ո՞վ խանգարեց դրան, Ղազարյանը պատասխանեց` ոչ ոք, ինքն ուզեց այդպես անել: Նա կրկին հերքեց, որ ճնշումներ են եղել: «Ոչ, իհարկե` ոչ, ևս մեկ անգամ` ոչ: Ինձ վրա ոչ մեկ էլ ճնշում չի գործադրել: Դուք ինձ լավ չեք ճանաչում, ինձ վրա որևէ մեկը չի կարող ճնշում գործադրել»,- վրդովված պատասխանեց նա և անջատեց հեռախոսը: