Մայրանալու համար ամենաբարենապաստ երկրները. Save the Children

Save the Children բարեգործական հիմնադրամը ներկայացրել է մայրանալու համար բարենպաստ երկրների վարկանիշային աղյուսակը:

Ըստ աղյուսակի՝ ապագա մայրերի համար ամենաբարենպաստ երկրներն են Նորվեգիան, Ֆինլանդիան, Իսլանդիան:

179 երկրից կազմված ցուցակում վերջին տեղում Սոմալին է:

Զեկույցի հեղինակները Մեծ Բրիտանիային հատկացրել են 24-րդ հորիզոնականը, Բելառուսին՝ 25-րդ, ԱՄՆ-ին՝ 33-րդ: Ռուսաստանն Ուրուգվայի հետ 56-րդ հորիզոնականում է:

Հայաստանը վարկանիշային աղյուսակում 103-րդն է: Նշվում է, որ մեր երկրում հղիության կամ ծննդաբերության ժամանակ մահանալու վտանգը 1/1800 է (Ամեն 1800 կնոջից մեկը):

Համեմատության համար նշենք, որ Ռուսաստանում այդ ցուցանիշը 1/2600 է, իսկ օրինակ ԱՄՆ-ում՝ 1/1800, Բելառուսում՝ 1/45200, Մեծ Բրիտանիայում՝ 1/6900, Թուրքիայում՝ 1/2300, Վրաստանում՝ 1/1300, Ադրբեջանում՝ 1/1800:

Ադրբեջանը վարկանիշային աղյուսակում 90-րդ տեղում է, Իրանը՝ 84 , Վրաստանը՝ 86, Թուրքիան՝ 65:

Զեկույցի հեղինակները հաշվի են առել 5 գործոն՝  մայրերի մահացության մակարդակը, մինչեւ 5 տարեկան երեխաների մահացության մակարդակը, կրթության մակարդակը, տնտեսական հաջողությունները եւ  քաղաքական իրավիճակը:

Զարգացած երկրների շարքում երեխաների համար վատագույն մայրաքաղաքներ են  ճանաչվել Վաշինգտոնը, Վիենան եւ Բեռնը: