Հայ ընտանիքի կողմից որդեգրված ադրբեջանցու պատմությունը (տեսանյութ)

58 տարի առաջ Բաքվում հայ ընտանիքը որդեգրում է ադրբեջանցի տղայի: Անցնում են տարիներ, տղայի հարազատ մայրը մահվանից առաջ իր ավագ դստերը՝ Հումայային,  խնդրել է գտնել եղբորը՝ Բահադիրին:

«Մայրս սրտի կաթցած է ստացել, հայտնվել է հիվանդանոցում, որտեղ նրան վատ վիճակում ինչ-որ փաստաթուղթ են տվել` ստորագրելու: Որոշ ժամանակ անց դուրս է գրվել, գնացել որդու հետևից`  շուրջօրյա մանկապարտեզ, սակայն չի գտել որդուն: Ավելի ուշ նա իմացել է, որ տղային որդեգրել է հայ ընտանիք»,- Жди меня-ի տաղավարում պատմել է Հումայան:

Երկար ժամանակ մայրը որոնել է որդու և գտել, սակայն երեխայի հայ ծնողները արգելել են նրանց շփվել: 1979-ին մայրը մահացել է:

Հաղորդավարը նշում է, որ հայ ընտանիքն ունեցել է այս պատմության իր վարկածը: Բահադիրին ասել են, որ մայրը ինքն է նրանից հրաժարվել:

«Բահադիրին իր նոր ընտանիքում շատ են սիրել, 20 տարի նա անգամ չի էլ կասկածել, որ որդեգրված է»,- նշում է հաղորդավարը:

Եվ ահա այսքան տարի անց Հումայային հաջողվում է հանդիպել հայ ընտանիքում մեծացած իր եղբոր հետ: