Նշանակություն չունի, թե երբ կլինի քվեարկությունը. պատգամավորը՝ Բունդեսթագի քվեարկության մասին

Արդեն հայտնել ենք, որ Գերմանիայի Բունդեսթագի նախագահ Նորբերդ Լամերթը, ինչպեսև երկրի նախագահ Իոահիմ Գաուկը, Օսմանյան կայսրությունում 1915 թվականին տեղի ունեցած հանցագործություններն անվանել են ցեղասպանություն: Տեղեկացնենք նաև` հայտնի է դարձել, որ Գերմանիայի խորհրդարանում Հայոց ցեղասպանութայն վերաբերյալ բանաձևի քվեարկությունը տեղի կունենա ապրիլի 30-ին:

ԱԺ «Ժառանգություն» խմբակցության պատգամավոր Թևան Պողոսյանը Yerkir.am-ի հետ զրույցում, անդրադառնալով վերոհիշյալ իրադարձությանը, նշեց` այն, որ արտաբերվել է «ցեղասպանություն» տերմինը, արդեն լավ է: «Եթե Գերմանիայի Բունդեսթագի և երկրի նախագահները 1915 թվականին հայերի հետ տեղի ունեցած վայրագությունները ցեղասպանություն են անվանել, արդեն լավ է: Իսկ այն, որ քվեարկությունը տեղի է ունենալու ապրիլի 30-ին, առանձնապես բան չի փոխում: Նշանակություն չունի ամսի 24-ին է լինելու քվեարկությունը, թե` ամսի 30-ին»,- ընդգծեց պատգամավորը: