Ուխտագնացությունից մինչև 160 տարազների ցուցադրություն. Սփյուռքի նախարարության առաջիկա միջոցառումները

Այսօր Սփյուռքի նախարարության աշխատակազմի ղեկավար Ֆիրդուս Զաքարյանը Yerkir.am-ի հետ զրույցում ներկայացրել է այն բոլոր միջոցառումները, որոնք նախատեսել է Սփյուռքի նախարարությունը առաջիկա օրերին:

Ապրիլի 16-ին` Գառնիկ Սվազլյանի «Ներգաղթը» պիեսի և ծաղրանկարների ներկայացում:

Ապրիլի 17-ին կկայանա «Հայ կնոջ դերը Ցեղասպանության տարիներին և դրանից հետո» համաժողովը:

Ապրիլի 20-ին ստամբուլահայ Ժյուլիա Մութլուի` Արևմտյան Հայաստանի նահանգների 160 տարազների ցուցադրության կազմակերպում Ալ. Սպենդիարյանի անվան օպերայի ու բալետի ազգային ակադեմիական թատրոնում` Ժուլիա Մութլուի ղեկավարած պարախմբի կատարմամբ:

Ապրիլի 22-23-ին Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովը, ՀՀ Սփյուռքի նախարարության, «Իրավաբանների համահայկական խորհրդաժողով» համահայկական մասնագիտական կազմակերպության հետ համատեղ կազմակերպում են «Ցեղասպանության հետևանքների վերացման և պատասխանատվության հարցեր» թեմայով համաժողով:

2015թ. ապրիլի 14-24-ը կիրականացվի 100 հայ երիտասարդներից բաղկացած խմբի` Վրաստանի սահմանից դեպի Ծիծեռնակաբերդ ոտքով ուխտագնացությունը: