Նա իր արարքներով է ապացուցում իր հավատքը. Միքայել Պողոսյանը` Հռոմի պապի մասին

Սա շատ լուրջ իրադարձություն է, և առհասարակ ես մեծ հարգանք ունեմ այս Հռոմի պապի հանդեպ, քանի որ նա իր արարքներով է ապացուցում իր հավատքը. Yerkir.am-ի հետ զրույցում նման կարծիք հայտնեց դերասան Միքայել Պողոսյանը` անդրադառնալով երեկ Սուրբ Պետրոս տաճարում Հռոմի Ֆրանցիսկոս պապի` «ցեղասպանություն» բառն արտասանելուն:

Ըստ նրա` Ֆրանցիսկոս պապը շատ պատկառելի և լուրջ քրիստոնյա է, ով համապատասխանում է իր դիրքին: «Նա շատ մեծ օրինակ պետք է լինի մյուսների համար: Ես շատ եմ սիրում նրան իր` առաջին իսկ օրվանից արած քայլերի համար` սկսած նորարարություններից, որ արեց իր շրջապատում` Վատիկանի աշխատակազմում»,- ասաց Պողոսյանը: