Դեսպանն իջավ, բայց արդեն ուշ էր…

Տեղեկացրել էինք, որ այսօր ՀՅԴ Հայաստանի Երիտասարդական և «Նիկոլ Աղբալյան» ուսանողական միությունների անդամները ՀՅԴ «Սիմոն Վրացյան» կենտրոնից շարժվել են դեպի Հայաստանում Գերմանիայի դեսպանատուն` պահանջելով ճանաչել և դատապարտել Ցեղասպանությունը: Սակայն Գերմանիայի դեսպանն այդպես էլ չի ցանկացել իջնել ներքև:

Հաշվի առնելով Գերմանիայի դեսպանատան արհամարհական վերաբերմունքը` դաշնակցական երիտասարդները հրաժարվեցին դեսպանատան որևէ անդամի հանձնել պահանջագիրը և «ամոթ» վանկարկումներով հեռացան:

Սակայն, ինչպես հայտնում է yerkir.am-ի լրագրողը, երիտասարդների հեռանալուց հետո դեսպանն իջավ ներքեւ և լրագրողների հետ զրույցում պարզաբանեց, որ օրական 100-ից ավելի նամակ է ստանում և չի կարող բոլորի համար իջնել ցած:

Նա ցանկություն  հայտնեց լսել ակցիայի մասնակիցներին, սակայն դաշնակցական երիտասարդներն այլևս հետ չդարձան և այդպես էլ նամակը չհանձնեցին: