Պերմյակովին կրկնակի ցմահ ազատազրկում է սպառնում. Коммерсантъ

Коммерсантъ-ին հայտնի է դարձել, որ դատարանը երեկ երկարաձգել է Գյումրիում դաժան սպանություն կատարած Վալերի Պերմյակովի կալանքի ժամկետը։

Քննչական կոմիտեն խստացրել և հստակեցրել է ավելի վաղ նրան առաջադրված մեղադրանքները։ Միայն դրա երկու կետով զինծառայողին ցմահ ազատազրկում է սպառնում։

Նշվում է, որ 5-րդ կայազորի ռազմական դատարանի արտագնա նիստը տեղի է ունեցել ռուսական 102-րդ ռազմաբազայի տարածքում:

«Ъ»-ի տվյալներով՝ Պերմյակովին առաջադրված մեղադրանքը խստացվել ու հստակեցվել է։ Պերմյակովը Ավետիսյանների ընտանիքի սպանության անմիջական կատարողն է համարվում:

«Ամենայն հավանականությամբ, մեղադրանքի խստացումը հնարավոր է դարձել ավելի վաղ կատարված դատաբժշկական փորձաքննության ավարտից հետո: Պերմյակովի՝ սպանության վայրում թողած իրերի կենսաբանական հետքերի ուսումնասիրությունը ցույց է տվել, որ դրանք համապատասխանում են Պերմյակովի արյան խմբին: Այլ անձանց ներկայության հետքեր չեն հայտնաբերվել»,- գրում է թերթը։