Համերաշխություն և հանդուրժողականություն. Էրդողանը շնորհավորել է քրիստոնյաներին

Թուրքիայի նախագահ Ռեջեփ Թայիփ Էրդողանը Սուրբ Զատիկի կապակցությամբ շնորհավորական ուղերձ է հղել քրիստոնյաներին` ընդգծելով «միասնության ու փոխադարձ հանդուրժողականության կարևորությունը»:

Ըստ T24-ի`  նա նշել է, որ սա այն բացառիկ օրերից է, երբ միաձուլվում են եղբայրության, հանդուրժողականության, համերաշխության և միասնականության զգացմունքները:

Ընդգծելով, որ Զատիկը քրիտոնյաների ամենակարեւոր տոներից է, Էրդողանն  ասել է. «Մենք տարբերությունները որպես հարստություն ընկալող` հնուց եկած մեր քաղաքակրթությամբ, առանց կրոնի, լեզվի, էթնիկական խտրականության, արդարության ընկալումով կարևորում ենք մարդկանց մշակույթը, ավանդույթները և հավատքի ազատությունը: Այս առիթով բոլոր քրիտոնյաների, գլխավորապես` մեր քրիտոնյա քաղաքացիների Զատիկը ողջունում և սրտանց շնորհավորում եմ»: