Գագիկ Բեգլարյանը վստահեցնում է` «Հյուսիս-հարավ» ծրագրի հետ կապված ոչ մի խնդիր չկա

Այսօր կառավարության նիստից հետո լրագրողները ՀՀ տրանսպորտի եւ կապի նախարար Գագիկ Բեգլարյանից հետաքրքրվեցին, թե ի՞նչ խնդիրներ կան «Հյուսիս-հարավ» ծրագրի հետ: Նախարարը նախ պատասխանեց, որ ոչ մի խնդիր էլ չկա, ամեն ինչ նորմալ է:

Լրագրողները մանրամասնեցին, որ արտասահմանյան մի ընկերություն աշխատանքի կեսից հրաժարվել է շարունակել` դուրս բերելով իր տեխնիկան:

«Այդպիսի բան չկա, ֆրանսիական ընկերությունը, մեր տեղեկացմամբ, դուրս է բերել իր տեխնիկան, որովհետև աշխատանքի պրոցեսում այդ տեխնիկան այլևս հարկավոր չէր: Մնացած աշխատանքներն ընթանում են բնականոն հունով»,- ասաց նախարարը` հավելելով, որ «Հյուսիս-հարավ» ծրագրի իրականացումը տեղավորվում է իր կողմից հայտարարված ժամկետների մեջ: