Խա՞ղ եք անում 250 միլիոն դոլար պարտքի հետ. Բագրատյան

Այսօր ԱԺ-ում ՀԾԿՀ նախագահ Ռոբերտ Նազարյանը ներկայացնում էր ՀԾԿՀ տարեկան հաշվետվությունը: Նա խոսեց էներգետիկայի ու գազամատակարարման կառուցվածքի մասին, որ բաշխիչ ցանցերը տարիներ առաջ վաճառվել են մասնավոր ընկերության և մի քանի տարի հետո վերավաճառվել ռուսական պետական ընկերությանը` չորս անգամ ավելի թանկ գնով:

Հրանտ Բագրատյանը շեշտեց, որ դա պետք է ընդունել որպես հաղորդում հանցագործության մասին, այսինքն` տեղի է ունեցել մասնավորեցում, հետո` ապապետականացում: «Եկել են մարդիկ, ովքեր մտածում են միայն գողանալու մասին` ունենալով ֆիքսված մարժա, ինչո՞ւ պետք է այդքան պարտքեր կուտակվեին»,- ասաց պատգամավորը՝ հավելելով, որ ռուսական ընկերության ղեկավարները մտածում են միմիայն սեփական գրպանի մասին:

Էլեկտրացանցների վաճառքի մասին պայմանագիրը, ըստ Բագրատյանի, հստակ ցույց է տալիս, որ գործ ունենք քրեական հանցագործության հետ: «Դուք խա՞ղ եք անում 250 միլիոն դոլար պարտքի հետ, երբ որ ֆիքսված մարժայով աշխատել ենք: Գործ ունենք համատարած թալանի հետ, ի վերջո, վճարողը լինելու է հասարակ սպառողը՝ բարձրացված սակագնի միջոցով»,- ասաց նա:

Մանրամասները՝ տեսանյութում: