250 միլիոն դոլար` Comedy Club-ի համար

«Գազպրոմ մեդիա» ընկերությանը պատկանող THT հեռուստաընկերությունը արդեն սեպտեմբերին կարող է հայտարարել Comedy Club Production ընկերության արտադրանքի գլխավոր փաթեթը 250 միլիոն դոլարով գնելու մասին: Comedy Club Production-ը արտադրում է Наша Раша, Убойная сила, Дом-2 հաղորդումները, Универ, Интерны սերիալները:

Comedy Club Production-ը, որը ստեղծվել է 2007 թվականին,  THT-ի առանցքային գործընկերներից է: Այս հեռուստաընկերության համար Comedy Club Production-ը արտադրում է այնպիսի  ծրագրեր, ինչպիսիք են Comedy Club-ը, Наша Раша-ն, Дом-2-ն:

Բացի այս` անցյալ տարի պարզ է դարձել, որ Comedy Club Production-ին է պատկանում 7Art պրոդյուսերական ընկերության  բաժնետոմսերի 74 տոկոսը, թեեւ նշվում է, որ ի սկզբանե ընկերության բաժնետոմսերի 51 տոկոսը  պատկանում էր Comedy Club Production համասեփականատերեր Արթուր Ջանիբեկյանին եւ Գարիկ Մարտիրոսյանին: Այդ ընկերությունը արտադրում է Универ եւ Интерны սերիալները:

Comedy Club Production-ը գնահատվում է 450 միլիոն դոլար, իսկ վաճառվելիք փաթեթի գինը 250 միլիոն է: