Աշխատավարձի աճի տեմպը դանդաղել է

Արդեն նշել ենք, որ Կենտրոնական բանկը 2015-ի համար կանխատեսել էր 0.4-ից 2 տոկոս տնտեսական աճ` պայմանավորված հիմնականում արտաքին գործոններով: Տնտեսական աճի կանխատեսման ցածր մակարդակը ստիպել ԿԲ-ին վերանայել նաև միջին ամսական աշխատավարձի աճի ցուցանիշները:

Հիշեցնենք, որ նախորդ տարի, ըստ Ազգային վիճակագրական ծառայության հրապարակած տվյալների, միջին ամսական աշխատավարձը աճել է մոտավորապես 9 տոկոսով: 2015-2017 թվականների համար աշխատանքի շուկայի ցուցանիշների կանխատեսումները, նախորդների համեմատ, վատթարացել են. սպասվում են միջին աշխատավարձերի ավելի դանդաղ աճի տեմպեր և գործազրկության ավելի բարձր մակարդակ: 2015 թվականին ակնկալվում է միջին անվանական աշխատավարձերի 6.2% աճ, իսկ 2016-2017 թվականներին` շուրջ 5.0%: