Լեշ հիշեցնող Թուրքիայի քարտեզի որ կետին էլ մատդ դնես, տակը Հայաստան է

Որքան մոտենում է ապրիլի 24-ը , Էրդողանն ավելի է ջղաձգվում ու «մտքի գոհարներ» շաղ տալիս…:  Հիմա էլ  « սփյուռքը իրեն խելոք չի պահում»…, կամ  «եթե հարցնեք, քարտեզի վրա որտեղ է Հայաստանը, ցույց տալ չեն կարող»:

Սփյուռքը պարոն Էրդողան, չարաճճի երեխա չէ, որ իրեն խելոք պահի կամ չպահի…., քո տափաստանաբնակ նախնիների հետ մի համեմատիր…Սփյուռքի աշխարհագարական գիտելիքների վրա կասկածելը ուղղակի ծիծաղելի է, եթե ոչ հիմարություն: Նրանք Հայաստանի տեղը փակ աչքով էլ գիտեն:

Գիտեմ մեծամիտ ու ամբարտավան եք, բայց մի խորհուրդ կտամ աշխարհագրություն սովորեք, հիշիր, լեշ հիշեցնող Թուրքիայի քարտեզի որ կետին էլ մատդ դնես, տակը Հայաստան է: Մի խորհուրդ էլ, դարձյալ աշխարհագրության հետ կապված . Կոլոմբոսի կենսագրությունը սերտեք, լա~վ  ուսումնասիրեք, գուցե այդտեղ բախտներդ բերի: Մեր կողմերում ասում են . թուրքը մի բան չի, բայց լավ խոսք ունի, «Աստված երբ մեկին ուզում է պատժել, նախ խելքն է առնում, հետո մնացածը….» Մնաց մնացածը պարոն Էրդողան…

Գրառումը՝ Սպարտակ Ղարաբաղցյանի «ֆեյսբուք»-ի էջից