Ըստ վարչապետի` դատավարությունը կբավարարի հայ ժողովրդին

Գյումրիի Սուրբ Նշան եկեղեցում փոքրիկ Սերյոժա Ավետիսյանի հոգեհանգստի արարողությունից հետո լրագրողների հետ զրույցում ՀՀ վարչապետ Հովիկ Աբրահամյանը նախ ցավակցեց գյումրեցիներին եւ ողջ հայ ժողովրդին` նշելով, որ սա ոչ միայն գյումրեցիների, այլև ամբողջ հայ ժողովրդի վիշտն է:

Նա ընդգծեց, որ պետք է ձեռնարկվեն այնպիսի քայլեր, որպեսզի նման միջադեպեր այլեւս չկրկվեն:
Աբրահամյանը վստահեցրեց, որ տեղի է ունենալու արդար դատավարություն, եւ հանցագործը կրելու է իր արժանի պատիժը: Ըստ վարչապետի` դատավարությունը կբավարարի հայ ժողովրդին:

Պերմյակովին ՀՀ իրավապահներին հանձնելու վերաբերյալ հարցին վարչապետը հստակ պատասխան չտվեց, նշեց, որ քննություն է ընթանում: