Աշխարհում առկա իրավիճակը ՀԱՊԿ երկրներից համաձայնեցված քայլեր է պահանջում. Պուտին

Մոսկվայում մեկնարկել է Հավաքական անվտանգության պայմանագրի կազմակերպության (ՀԱՊԿ) գագաթաժողովը: 

ՌԴ նախագահ Վլադիմիր Պուտինը բացման արարողության ժամանակ հայտարարել է, որ, իր կարծիքով, աշխարհում առկա բարդ իրավիճակը ՀԱՊԿ երկրների համաձայնեցված գործողություններն է պահանջում. հայտնում է ТАСС-ը:

Պուտինի խոսքերով՝ ՀԱՊԿ երկրները պետք է միասնական քայլեր ձեռնարկեն` ահաբեկչության, թմրավաճառության, բնական և տեխնոգեն աղետների դեմ պայքարելու համար: Նա նշել է նաև, որ անհանգստացած է Աֆղանստանում տիրող իրավիճակով, և որ ՀԱՊԿ երկրները պետք է պատրաստ լինեն ադեկվատ և կանխարգելիչ գործողությունների այն սպառնալիքների դեմ, որոնք գալիս են այդ երկրից: