Դինքին չեմ սպառնացել, այլ նախազգուշացրել եմ. Ստամբուլի նախկին փոխնահանգապետ

«Ակօս» թերթի խմբագիր Հրանտ Դինքի սպանության գործով Ստամբուլի գլխավոր դատախազությունում, որպես կասկածյալ, ցուցմունք է տվել փոխքաղաքապետ Էրգյուն Գյունգյորը:

Ըստ Haberler-ի` երկուսուկես ժամ Գյունգորի ցուցմունքում հիմնականում նշվում է Հրանտ Դինքի` Սաբիհա Գյուքչենի (Աթաթուրքի որդեգերած դուստրը, ում հայ լինելու մասին առաջինը բարձրաձայնել էր Դինքը) մասին գրած լուրը, ինչի համար նա հանդիպել էր Գյունգորի և ազգային անվտանգության ծառայության նախկին անդամ Օզել Յըլմազի հետ:

Դատախազությունը Գյունգորից պահանջել է ավելի մանրամասն պատմել այդ հանդիպման մասին, որի ընթացքում Հրանտ Դինքին սպառնացել էին:

«Սաբիհա Գյոքչենի հետ կապված լուրերը հանրության շրջանում կարող էին վրդովմունք առաջացնել, և ես միայն նախազգուշացրի, որ այն որոշ շրջանակների կողմից կարող է օգտագործվել»,- ասել է նա:

Հրանտ Դինքը այդ հանդիպումից հետո ներկայացել էր  նահանգապետարան և պաշտպանություն խնդրել: