Տոնական երեկո` նվիրված Սասուն Պասկևիչյանի 75-ամյակին

Հայաստանի պետական ֆիլհարմոնիկ նվագախմբի նախաձեռնությամբ՝ նոյեմբերի 30-ին «Արամ Խաչատրյան» համերգասրահում տեղի կունենա ՀՀ ժողովրդական արտիստ, երգահան Սասուն Պասկևիչյանի ծննդյան 75-ամյա հոբելյանին նվիրված երեկո:

Երեկոյի ընթացքում կհնչեն և կընթերցվեն Պասկևիչյանի հեղինակած երգերն ու բանաստեղծությունները, այդ թվում` նաև նոր ստեղծագործություններ: Երեկոյի բեմադրիչն է Արամ Սուքիասյանը:

Արվեստագետին նվիրված միոջացառման ժամանակ ելույթ կունենան Լեյլա Սարիբեկյանը, Ռաիսա Մկրտչյանը, Ռուբեն Մաթևոսյանը, Անահիտ Սահակյանը, Ասոն (Արսեն Գրիգորյան), Դավիթ Ամալյանը, Մակիչը (Մկրտիչ Մկրտչյան), Կարեն Մշեցին, Սմբատ Խալաթյանը, Դավիթ Շեկոյանը, Վարդան Բադալյանը: Երեկոյին կմասնակցեն նաև «Պարի և հոգու թատրոնը» /գեղ. ղեկավար Սոֆի Դևոյան/, «Լիվա» մանկական երգչախումբը, ինչպես նաև ասմունքողներ` Նունե Ավետիսյանը, Սիլվա Յուզբաշյանը և Արսեն Ղազարյանը: