Գերմանուհին 5 տարի քնել է մահացած մոր կողքին

Մյունխենի ոստիկանությունը բնակարաններից մեկում հայտնաբերել է կնոջ դի, որի մահվան մասին նրա դուստրը ոչ մի տեղեկություն չի հայտնել 5 տարի շարունակ. հայտնում է DELFI-ն:

Կնոջ խոսքերով՝ իր մայրը մահացել է 2009-ին՝ 83 տարեկանում։ Այդ ամբողջ ընթացքում կնոջ մարմինը գտնվել է տանը։ Կասկածներ առաջացել են, երբ հարևանները նկատել են, որ երկար ժամանակ է՝ կնոջից ոչ մի տեղեկություն չկա, և դիմել են ոստիկանություն:

Ոստիկանության աշխատակիցները և փրկարարները մտել են բնակարան և հայտնաբերել մահացած կնոջը` անկողնում։

Պարզվել է, որ նույն անկողինը կիսել է կնոջ 55-ամյա դուստրը։ Նրան ուղարկել են հոգեբանական փորձաքննության։