ՍԴ-ն որոշեց ԵՏՄ-ին Հայաստանի անդամակցության պայմանագրի հարցը

Սահմանադրական դատարանն այսօր գրավոր ընթացակարգով քննեց «Եվրասիական տնտեսական միության մասին» պայմանագրին Հայաստանի Հանրապետության միանալու մասին պայմանագրում ամրագրված պարտավորությունների` ՀՀ Սահմանադրությանը համապատասխանության հարցը որոշելու վերաբերյալ գործը: Եվ ժամը 15:00-ին հրապարկեց այս գործով որոշումը:

40 էջից բաղկացած որոշման մեջ ՍԴ-ն անդրադարձել էր պայմանագրով Հայաստանի կողմից ստանձվելիք պարտականությունների` ՀՀ սահմանադրության դրույթներին համապատասխանության հարցը և որոշել, որ դրանք հակասության մեջ չեն գտնվում:Սակայն ինչպես արդարդատության նախարարությունն է ներկայացրել, ներպետական շուրջ 20 օրենքներում պետք է փոփոխություններ արվեն` համապատասխանեցվելով ԵՏՄ օրենսդրությանը:

Այսպիսով ՍԴ-ն որոշեց, որ վերոհիշյալ պայմանագիրը չի հակասում ՀՀ Սահմանադրությանը, և ՍԴ որոշումը վերջնական է և ուժի մեջ է մտնում հրապարակման պահից:

 Yerkir.am-ի թղթակիցը հաղորդեց, որ ՍԴ որոշման հրապարակումից հետո դահլիճում ներկա մարդիկ սկսեցին վանկարկել՝ «ա-մոթ» և «да здравствует Советский Союз»: