Պայթեցված ուղղաթիռին դեռ չի հաջողվում մոտենալ

Այսօր առավոտից մեկնարկել է «Միասնություն 2014» ՀՀ ԶՈՒ և ԼՂՀ ՊԲ համատեղ զորավարժությունների փակման արարողությունը: Այս մասին ԼՂՀ-ից տեղեկացնում է Yerkir.am-ի թղթակիցը:

Փակմանը ներկա են ՀՀ նախագահ Սերժ Սարգսյանը, ԼՂՀ նախագահ Բակո Սահակյանը, ՀՀ պաշտպանության նախարար Սեյրան Օհանյանը և ԼՂՀ պաշտպանության նախարար Մովսես Հակոբյանը: Այստեղ է նաև ԼՂՀ և ՀՀ պաշտպանության նախարարությունների ղեկավար կազմը: Քիչ առաջ ավարտվեց զորավարժությանը մաս կազմող տանկային բիաթլոնը:

Մեր թղթակիցը տեղեկացնում է նաև, որ Ադրբեջանի կողմից պայթեցված ուղղաթիռին մոտենալ դեռեւս չի հաջողվել, քանի որ հակառակորդը շարունակում է կրակահերթի տակ պահել տարածքը: