Հակառակորդը փորձել է մոտենալ խոցված ուղղաթիռին, արդյունքում` զոհեր է տվել

Նոյեմբերի 20-ի լույս 21-ի գիշերը ադրբեջանցիները փորձել են մոտենալ իրենց կողմից խոցված հայկական ուղղաթիռին, սակայն հայկական կողմը կանխել է նրանց փորձը: Արդյունքում` հակառակորդը տվել է երկու զոհ: Այս մասին Yerkir.am-ի հետ զրույցում ասաց ՀՀ ՊՆ մամլո խոսնակ Արծրուն Հովհաննիսյանը` նշելով, որ այս պահին էլ կրակահերթերը շարունակվում են, և հակառակորդը թույլ չի տալիս հայկական կողմին՝ մոտենալ ուղղաթիռին:

Հիշեցնենք, որ ուղղաթիռը խոցվել էր նոյեմբերի 12-ին, և չնայած ԵԱՀԿ ՄԽ համանախագահների հորդորներին` ադրբեջանական կողմը, խախտելով միջազգային նորմերը, թույլ չի տալիս հայկական կողմին մոտենալ ուղղաթիռին եւ դուրս բերել դիակները: