Օբաման զայրացրել է չինացիներին իր՝ մաստակ ծամելով

Չինաստանի համացանցային օգտատերերը և փորձագետները քննադատության են արժանացրել ԱՄՆ նախագահ Բարաք Օբամային Պեկինում ընթացող  Ասիական-խաղաղօվկիանոսյան տնտեսական համագործակցության գագաթաժողովի  ժամանակ ցուցաբերած պահվածքի համար. հայտնում է Лента.ру-ն:

Չինացիների դժգոհությունն առաջացրել է այն, որ Օբաման անընդհատ մաստակ է ծամել և չի ցանկացել օգտվել  լիմուզինից, որը չինական կողմը նախատեսել էր բոլոր առաջնորդների համար: Օբաման նախընտրել էր երթևեկել իր մեքենայով:

Էթիկայի չինական կանոնների նկատմամբ նման վերաբերմունքի  համար օգտատերերը նրան անդաստիարակ ռեփեր են անվանել: Իսկ Պեկինի համալսարանի լրագրության պրոֆեսոր Ցինխուա Ին Խունը Օբամային ծույլ է անվանել: