Տիգրան Պետրոսյանի հիշատակին նվիրված մրցաշար` Մոսկվայում

Նոյեմբերի 3-11-ը Մոսկվայում կանցկացվի Տիգրան Պետրոսյանի հիշատակին նվիրված գրոսմայստերական մրցաշար, որը կկրի    «Տաշիր» անվանումը: Մրցաշարը կազմակերպում են «Տաշիր» ընկերությունը եւ Ռուսաստանի շախմատային ֆեդերացիան:

Տիգրան Պետրոսյանի հուշամրցաշարի կազմակերպական կոմիտեի նախագահն է Հայաստանի Հանրապետության նախագահ, Հայաստանի շախմատային ֆեդերացիայի նախագահ Սերժ Սարգսյանը:

Մրցաշարին կմասնակցեն Լեւոն Արոնյանը (Հայաստան), Վլադիմիր Կրամնիկը, Ալեքսանդր Գրիշչուկը, Ալեքսանդր Մորոզեւիչը, Էռնեստո Ինարկիեւը (Ռուսաստան), Բորիս Գելֆանդը (Իսրայել), Պետեր Լեկոն (Հունգարիա) եւ Դին Լիրենը (Չինաստան): 

Աղբյուր` Armchess.am