Արմենին դանակահարողը հարևանն էր

Հոկտեմբերի 14-ին` ժամը 09.45-ին, հիվանդանոցից ոստիկանության Էրեբունու բաժնում հաղորդում է ստացվել, որ «որովայնի աջ բազկի կտրած-ծակած վերք» ախտորոշմամբ իրենց մոտ բուժօգնության է տեղափոխվել 1967 թ. ծնված Արմեն Ա.-ն և հայտնել, որ նշված հասցեում դանակահարվել է:

Մեկնած օպերատիվ խմբին նա հաղորդում է տվել, որ հոկտեմբերի 14-ին` ժամը 09.20-ի սահմաններում, Նոր Արեշի 27-րդ փողոցի թիվ 45 տանը իրենց հարևան Անդրանիկը վիճաբանել է իր հետ և սուր կտրող-ծակող գործիքով հարվածել է իրեն` պատճառելով վնասվածք: Պարզվել է, որ Անդրանիկը 1962 թ. ծնված Անդրանիկ Գ.-ն է: Անդրանիկ Գ.-ն բերման է ենթարկվել բաժին:

Կատարվում է հետաքննություն: