Հայկական միրգը, բանջարեղենը և կոնյակը կարող են ռուսական շուկայում զբաղեցնել Մոլդովային պատկանող տեղը

Հայկական մրգերը, բանջարեղենը և կոնյակը կարող են ռուսական շուկայում զբաղեցնել այն տեղը, որը նախկինում Մոլդովային է պատկանել: Այդ մասին հայտարարել է Եվրասիական տնտեսական հանձնաժողովի նախարար Տատյանա Վալովայան. գրում է Взгляд-ը:

Այդ կերպ է նա մեկնաբանել ԵՏՄ-ին Հայաստանի անդամակցության պայմանագրի ստորագրումը։

«Եթե մենք դիտարկենք մրգեր և բանջարեղեն ապրանքատեսակները, ապա շատ ցուցանիշներով Հայաստանն ու Մոլդովան նման են: Իհարկե, այժմ նշանակալի շահեկան վիճակում են հայտնվում հայկական արտադրողները, քանի որ նրանք սկսում են ապրանք արտահանել առանց նույն որակավորման լրացուցիչ վերահսկողության և կարող են որոշ չափով գրավել Մոլդովայի տեղը»,- ասել է նա։

Նախարարն ընդգծել  է, որ տվյալ պարագայում չկա որևէ քաղաքականություն, և բիզնեսն ինքն է որոշում` ինչն է ավելի ձեռնտու։