Շիրակի փողոցում իրար են բախվել «Ֆոլկսվագենն» ու «Տոյոտան». վարորդներից մեկին տեղափոխել են հիվանդանոց

Հոկտեմբերի 10-ին` ժամը 00.28-ին, ահազանգ է ստացվել, որ Երևանի Շիրակի փողոցի թիվ 10 շենքի մոտակայքում տեղի է ունեցել ՃՏՊ, կան տուժածներ, անհրաժեշտ է փրկարարների օգնությունը:

Դեպքի վայր են մեկնել ՀՆՓԱԻԿ փրկարար ջոկատը և մեկ մարտական հաշվարկ: Պարզվել է, որ բախվել են «Ֆոլկսվագեն» մակնիշի 34 NS 862 պ/հ (վարորդ` Ա. Հ., ծնվ. 1982 թ.) և «Տոյոտա» մակնիշի Т 718 AR 77 (վարորդ` Գ. Ս., ծնվ. 1984 թ.) պ/հ ավտոմեքենաները:

Փրկարարները արգելափակումից դուրս են բերել «Ֆոլկսվագեն» մակնիշի ավտոմեքենայի վարորդին, որին տեղափոխել են «Էրեբունի» ԲԿ: Բժիշկները տուժածի առողջական վիճակը գնահատել են բավարար: Հրշեջ-փրկարարները հոսանքազրկել են ավտոմեքենաները, դադարեցրել գազի արտահոսքը և կատարել ճանապարհի լվացման աշխատանքներ: