Հարյուրավոր առևտրականներ սպասում են վարչապետի պատասխանին

Արդեն տեղեկացրել ենք, որ կառավարության շենքի առջեւ դարձյալ հավաքվել են հարյուրավոր առևտրականներ՝ Երևանի տարբեր տոնավաճառներից: Նրանք պահանջում են վարչապետի վերջնական պատասխանը:

Վարչապետն ընդունել է առեւտրականների երեք ներկայացուցչի: Ի դեպ, անցած անգամ եւս հանդիպում է եղել վարչապետի հետ:

Ուշագրավ է, որ նրանցից մեկը, ի պատասխան լրագրողների դիտարկմանը, որ կարելի է հանդիպումը ԶԼՄ ներկայացուցիչների ներկայությամբ անցկացնել, իրավիճակն ու խոսքերը արձանագրող եւ հանրությանը ներկայացնող կլինի, շատ խիստ արձագանքեց, որ դեմ են լրագրողների ներկայությանը եւ «օտար ականջից» հեռու են ուզում խոսել: Թե ո՞րն է երիտասարդի նման պահվածքի պատճառը, ենթադրել միայն կարելի է:

Ի դեպ, առեւտրականները դեմ էին, որ վարչապետի հետ հանդիպմանը ընդամենը 3 հոգի մասնակցի: Ոսկու շուկայի աշխատակիցներից մեկը պահանջում էր, որ գոնե իրենց տոնավաճառից մեկ ներկայացուցիչ բարձրանա:

Նշենք, որ առւետրականները հուսահատված են և խոսում են արտագաղթի մասին:

Ի դեպ, մեզ, այնուամենայնիվ, հաջողվեց տեսանկարահանել վարչապետի եւ առեւտրականների հանդիպման մի քանի րոպեներ: Տեսանյութը կներկայացնենք քիչ անց: