Փոխարժեքներ
07 10 2024
|
||
---|---|---|
USD | ⚊ | $ 386.93 |
EUR | ⚊ | € 424.27 |
RUB | ⚊ | ₽ 4.02 |
GBP | ⚊ | £ 505.41 |
GEL | ⚊ | ₾ 141.01 |
Սյունիքի մարզի Կապան քաղաքում շարունակվում է երեք քաղաքական ուժերի կողմից կազմակերպված հանրահավաքը: Նշենք, որ հանրահավաքը երեք ժամ առաջ կազմակերպվել էր Սիսիանում:
ԱԺ ԲՀԿ խմբակցության պատգամավոր, նախկին արտգործնախարար Վարդան Օսկանյանը հայտարարեց, որ սահմանադրական փոփոխությունները, որոնք նախատեսում են իշխանությունները, ավանտյուրա են: Ըստ նրա` այսօրվա հրամայականը սահմանադրական փոփոխությունները չեն, այլ կան բազմաթիվ խնդիրներ, որոնք պետք է հրատապ լուծել, որովհետև առկա վիճակի պատճառը ոչ թե սահմանադրություն է, այլ սահմանադրություն իրականացնողները:
«Ես կարդացել եմ սահմանադրական փոփոխությունների հայեցակարգը, որից ակնհայտ երևում է, որ դրանց միակ նպատակը այսօրվա իշխանության վերարտադրությունն է: Ստեղծված իրավիճակի հիմնական խնդիրը քաղաքական մենաշնորհն է»,- ասաց Վարդան Օսկանյանը:
Նրա ելույթից հետո հավաքված բազմությունը վանկարկում էր` «Ծա-ռուկ-յան, Ծա-ռուկ-յան»:
Իսկ երբ ելույթ էր ունենում «Ժառանգության» փոխնախագահ Արմեն Մարտիրոսյանը, անջատեցին էլեկտրաէներգիան: