Իրանն ու «վեցյակը» շատ մոտ են միջուկային խնդրի լուծմանը

Գերմանիայի ԱԳՆ ղեկավար Ֆրանկ-Վալտեր Շտայնմայերը Նյու Յորքում Իրանի նախագահ Հասան Ռոհանիի հետ հանդիպումից հետո հայտարարել է, որ Իրանն ու միջազգային միջնորդ «վեցյակը» (ՄԱԿ-ի ԱԽ 5 մշտական անդամներն ու Գերմանիան) «դեռ երբեք այդքան մոտ չեն եղել միջուկային խնդրի լուծմանը». գրում է РИА Новости-ն:

«Մենք երբեք այդքան մոտ չենք եղել գործարքին, ինչպես այժմ: Սակայն ճշմարտությունն այն է, որ բանակցությունների եզրափակիչ փուլն ամենադժվարն է: Եկել է ժամանակը վերջ դնելու այս կոնֆլիկտին: Ես հույս ունեմ, որ Իրանը, նայելով աշխարհում և Մերձավոր Արևելքում իրավիճակին, գիտի և զգում է, որ բանակցությունների տապալումը պարզապես անընդունելի է»,- հայտարարել է նա: