Ամենաշատը տանջվել եմ առաջինը ես, հետո՝ Սուրիկ Խաչատրյանը. Վարդան Ղուկասյան. «Ժամանակ»

Սյունիքի մարզպետի պաշտոնում Սուրիկ Խաչատրյանի վերանշանակման մասին «Ժամանակ» օրաթերթը զրուցել է Գյումրիի նախկին քաղաքապետ Վարդան Ղուկասյանի հետ:

- Սուրիկ Խաչատրյանին և իր ընտանիքին անպատժելի թողնելն արդյոք չհաստատե՞ց այն իրողությունը, որ երկրում ամենաթողություն է:

-Ճիշտն ասած՝ ինչքան մենք նայում ենք, ամենաշատը տանջվել են Սուրիկ Խաչատրյանն ու Վարդան Ղուկասյանը, հավանական է՝ առաջինը ես, հետո մնացածները: Ես մինչև հիմա քավության նոխազ եմ եղել, բայց հանուն երկրի ես պատրաստ եմ այն տանել մինչև վերջ:

-Իսկ անձամբ Սուրիկ Խաչատրյանին ճանաչո՞ւմ եք, մտերի՞մ եք:

-Ճանաչում եմ, հարգում եմ, այո, մտերիմ եմ:

-Իսկ մի՞թե նրա արած վատ արարքները չգիտեք:

-Չի կարող պատահի այդպիսի արարքներ արած չլինի: Ո՞նց կարա արած չլինի: Այսօր մեծ Նարեկացին ասում է՝ բազմամեղիս. եթե Նարեկացին է իրեն մեղավոր համարում, Սուրեն Խաչատրյանը ո՞նց կարող է մեղք չունենա, կամ դուք, կամ ես, կամ որևէ մեկը. ով ասում է՝ ես մեղք չունեմ, նա սատանա է:

-Սա հույս ներշնչո՞ւմ է, որ Դուք էլ կվերադառնաք նախկին պաշտոնին:

-Ես չգիտեմ, բայց եթե նշանակեն, շատ ճիշտ կանեն, կշահեն ժողովուրդը և պետությունը»,-գրում է թերթը:

Հարցազրույցն ամբողջությամբ՝ թերթի այսօրվա համարում: