Ռուսական IVI կինոթատրոնը ադրբեջանցիների ջանքերով հեռացրել է Գարեգին Նժդեհի մասին պատմող ֆիլմը

Ռուսական IVI առցանց կինոթատրոնը երեկ հեռացրել է Գարեգին Նժդեհի մասին պատմող ֆիլմը:

Infoteka24 պորտալը թեժ գծով կապվել է IVI առցանց կինոթատրոնի վարչության ներկայացուցչի հետ, որը հաստատել է, որ Գարեգին Նժդեհի մասին ֆիլմը հեռացվել է ադրբեջանցիների բողոքների պատճառով: Միևնույն ժամանակ, կինոթատրոնի աշխատակցուհին ասել է, որ ֆիլմի վերաբերյալ որոշում չկա այս պահին, այն կլինի միայն երկուշաբթի օրը։ Դա նշանակում է, որ Նժդեհի մասին ֆիլմը հանվել է պարզապես ադրբեջանցիների քմահաճույքով։

Նժդեհի մասին ֆիլմը հեռացնելուց հետո հայ օգտատերերը սկսել են զանգվածաբար բողոքել հավելվածների օնլայն խանութներում (Google Play Market, App Store)` իջեցնելով IVI հավելվածի վարկանիշը:

Հիշեցնենք, որ օրերս Ռուսաստանի հայերի միությունը կազմակերպել էր Նժդեհի մասին պատմող ֆիլմի ցուցադրություն. ադրբեջանցիները կեղծ տեղեկություն տարածեցին, թե իբր ռուս ոստիկանները չեն թույլատրել ցուցադրությունը, որից հետո լուսանկարներ տարածվեցին ֆիլմի ցուցադրությունից: