«Պարոն Փոստանջյանը»... սեփական վրիպակի վրա Շարմազանովի ծիծաղն էլ եկավ

ԱԺ նիստում, երբ քննարկվում էր «Շրջակա միջավայրի վրա ազդեցության գնահատման մասին» օրենքում փոփոխություններ կատարելու մասին օրենքի նախագիծը, ԱԺ փոխխոսնակ Էդուարդ Շարմազանովը, դիմելով ընդդիմության այն ներկայացուցիչներին, ովքեր քննադատում էին օրենքում փոփոխություններ կատարելու նախագիծը` պատճառաբանելով, որ իրենք տեղյակ չեն եղել օրենքի փոփոխությունից, իսկ հիմա կառավարությունը ցանկանում է հապճեպ այն ներկայացնել ԱԺ-ին, ասաց, որ ոչ ոք չէր բռնել ընդդիմության ձեռքը, և կարող էին ներկայանալ հիշյալ օրենքի նախագծի քննարկմանը:

ՀՀԿ-ական պատգամավորներից մեկը տեղից արձագանքեց, թե Զարուհի Փոստանջյանն էլ է կողմ եղել նախագծին: Էդուարդ Շարմազանովը, ցանկանալով արձագանքել, փոքր-ինչ վրիպեց դիմելաձևի հարցում` ասելով. «Պարոն Փոստանջյանը….»:

Իր վրիպումից հետո դեռ երկար ժամանակ ԱԺ փոխխոսնակը չէր կարողանում զսպել ծիծաղը: