Լավրովը՝ Հայաստանի և Ադրբեջանի նախագահների հանդիպման մասին

ԵԱՀԿ ՄԽ-ն քիչ ջանքեր չի գործադրում, որ ԼՂ հակամարտության կողմերը փաստաթուղթ ընդունեն, որում ներկայացված կլինեն կարգավորման քաղաքական սկզբմունքները: Այդ մասին  ИТАР-ТАСС-ին տված հարզազրույցում ասել է ՌԴ ԱԳՆ ղեկավար Սերգեյ Լավրովը:

Նա նշել է, որ իրավիճակը շփման գծում, իհարկե, մտահոգիչ է: Կողմերը միմյանց մեղադրում են սադրիչ գործողությունների մեջ, նման բան անցյալում էլ է եղել, սակայն այս անգամ դա հատկապես սուր է ընկալվում և ներկայացվում:

«Այս շաբաթվա վերջին Սոչում նախատեսված են ՌԴ նախագահի առանձին հանդիպումները Հայաստանի, ինչպես նաև Ադրբեջանի նախագահների հետ: ԼՂ հարցը, ամենայն հավանականությամբ, չի շրջանցվի: Իսկ ինչպես այդ ամենը կկազմակերպվի, կախված է հենց մեզանից:

Իհարկե կխոսենք մեր հայ և ադրբեջանցի գործընկերների հետ այն մասին, թե ինչպես կարելի է ամրացնել վստահությունը և նվազեցնել կոնֆրոնտացիայի վտանգը»,- նշել է նա:

Լավրովը նշել է, կողմերը շատ էմոցիոնալ են ընկալում հակամարտությունը:

«Մենք, որպես միջնորդ երկիր, ԵԱՀԿ ՄԽ-ի հետ փորձում ենք օգնել լուծել այն խնդիրները, որոնք դեռ խանգարում են կարգավորման քաղաքական սկզմբունքների մասին փաստաթղթի ընդունմանը: Այդ հարցերը պետք է լուծվեն»,- նշել է նա: