Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Չինացի ռեժիսոր Ցզյան Չժանկեն «Ոսկե ծիրանին» ներկայացրեց յոթ ֆիլմ` «Նատյուրմորտ», «Գրպանահատը», «Բեմահարթակ», «Աշխարհը», «Քաղաք 24», «Հասարակական վայրեր» եւ «Կուզեի իմանալ»: Ըստ ռեժիսորի, իր բոլոր ֆիլմերում գլխավորը մարդն է: Նա փորձում է ցույց տալ մարդու և հասարակության կապը և կարծում է, որ այդ հասարակության հիմնական բջիջը ընտանիքն է:
«Չինացիների համար առհասարակ ընտանիքը շատ կարևոր է և մեր երկրում կատարվող փոփոխություններն ու զարգացումները ևս մեծ ազդեցություն ունեն չինական ընտանիքների վրա»,-լրագրողների հետ զրույցում ասաց նա:
Չինացի ռեժիսորի ֆիլմերից մի քանիսի հերոսուհին հենց իր կինն է, ում հետ սկսել է աշխատել 2000թ.-ից: Ռեժիսորի «Աշխարհը» ֆիլմումում ամբողջը կնոջ պատմած պատմություններն են, որոնք վերջինս տեսել է, երբ աշխատում էր «Աշխարհ» այգում:
«Կինս նկարահանվում է նաև այլ` եվրոպացի ռեժիսորների ֆիլմերում: Կարծում եմ, որ նա նրանց ֆիլմերում ավելի լավ է խաղում»,-կեսկատակ-կեսլուրջ ասաց ռեժիսորը:
Ցզյա Չժանկեն ուրախ է, որ գտնվում է Հայաստանում և հնարավորություն ունի տեսնել Հայաստանը, ծանոթանալ հայերի հետ, մեր մշակույթի, երգ ու երաժշտության հետ:
Խոսելով նկարահանած ֆիլմերի, մարդու և հասարակության մասին, ռեժիսորը փաստեց, որ երբեք չի իմանա, թե հաջորդ ֆիլմը ինչի մասին կլինի: