Կինս վարկով մեքենա է գնել ու մեկ մեծ բնակարան․ Արարատ Միրզոյանը՝ հարստանալու մասին

Իշխանությունների հասցեին մամուլում քննադատություններ են շրջանառվում՝ 8 ամսվա պատգամավոր են, բայց արդեն հասցրել են հողատարածքներ ձեռք բերել։ Լրագրողներն Ազգային ժողովի նախագահ Արարատ Միրզոյանից հետաքրքվել են թե ինչպես է ձեռք բերել նոր մեքենան ու բնակարանը։ 

ԱԺ նախագահը պատասխանել է․ 
«Կինս ձեռք է բերել նոր մեքենա՝ վարկով: Ժամկետը լավ չեմ հիշում՝ դա առաջին փոխվարչապետի պաշտոնի հետ համընկա՞վ, թե՞ արդեն ԱԺ նախագահ էի, հեղափոխությունից հետո էր: Ես ունեի 1 սենյականոց բնակարան, որը վաճառել ենք և այդ գումարն օգտագործելով որպես կանխավճար՝ ձեռք բերել մեծ բնակարան, էլի հիպոտեկային վարկով: Սա է, մյուսների մասին չգիտեմ»։