Երեխայի հետ եմ եկել, որ ոստիկանները չհրմշտեն. Զարուհի Փոստանջյանի բացատրությունը

Այսօր ՀԾԿՀ շենքի մոտ ՀՀ քաղաքացիների բողոքին էր միացել «Ժառանգություն» խմբակցության պատգամավոր Զարուհի Փոստանջյանը` իր փոքր երեխայի ձեռքը բռնած:

Yerkir.am-ի այն հարցին` չի՞ վախենում, որ հրմշտոցի մեջ կտուժի երեխան, Զարուհի Փոստանջյանը պատասխանեց. «Ոչ, չեմ վախենում, երեխայի հետ եմ եկել, որ, ընդհակառակը, ոստիկանները չհրմշտեն»:

Նա նաև նշեց, որ այս բողոքը վերաբերում է նաև ոստիկաններին, որովհետև նրանք սոցիալապես ծայրահեղ վիճակում են գտնվում, և նրանց ընտանեկան բյուջեին է վնաս լինելու էլեկտրաէներգիայի թանկացումը, ուստի նրանք պետք է միանան ժողովրդին: «Ոստիկանապետն այստեղ պետք է լինի ու հսկի իր ոստիկանների գործողությունները»,- հավելեց նա:

Նշենք, որ, չնայած Զարուհի Փոստանջյանի բացատրությանը, բողոքի ակցիայի ժամանակ, երբ սկսվեց հրմշտոց ոստիկանների ու քաղաքացիների միջև, հրմշտոցի մեջ ընկավ նաև Զարուհու երեխան, նա վախից լաց էր լինում: Դիտեք Yerkir.am-ի տեսանյութը: