«Պետք է գյուլլեն ղեկավարներին». քաղաքացիների զայրույթը գագաթնակետին է հասել

Այսօր ՀԾԿՀ շենքի մոտ էլեկտրաէներգիայի թանկացման դեմ բողոքի ակցիային զուգահեռ ավելանում էր մայթերին կանգնած անցորդների թիվը, որոնք կանգ  էին առնում ու հետևում ընթացող իրադարձություններին: Նրանցից շատերը, խումբ-խումբ կանգնած, միմյանց հետ կիսվում էին և արտահայտում իրենց բողոքը: Կային մարդիկ, ովքեր պահանջում էին գնդակահարել իշխանություններին, ոմանք էլ  հուսալքված էին:

Կանանցից մեկը, տեսնելով, որ ոստիկանությունն արգելում է քաղաքացիներին արտահայտել իրենց բողոքը, զայրացել էր և հայտարարում էր. «Ժողովուրդը սրանց պետք է գյուլլի»:

Yerkir.am-ի հետ զրույցում նա ասաց, որ բողոքող ժողովուրդն իր նպատակներին չի հասնելու, որովհետև իշխանության մեջ ավելի շատ են խաբեբաները:

«Սրանք ֆաշիստներ են, միլիցեյսկի երկիր ա դարձել»,- ասում էին քաղաքացիները` դժգոհելով ոստիկանության անօրինական գործողությունների դեմ: Նրանք ասում էին, որ չեն կարողանա ձմռանը վճարել կոմունալ ծախսերը: Քաղաքացիներից մեկը նշեց, որ փողոց դուրս եկող ու պայքարող քաղաքացիների թիվը քիչ է, և որ բոլորը պետք է ոտքի կանգնեն:

«Ստեղ ոստիկանություն չկա, սրանք կամակատարներ են, քաղաքացիները ելել են ոտքի, որ չթողեն հոսանքը թանկանա, սրանք բռնում, տանում են քաղաքացիներին: Միայն մենք ենք մեղավոր, որ ոտքի չենք կանգնում: Լացկան, փախնող ազգ ենք»,- զայրացած էր քաղաքացին:

Մանրամասները` տեսանյութում: