Ինչու է Ռուսաստանն արգելում տավարի մսի ներկրումը ԵՄ-ից

Ռուսաստանը որոշում է կայացրել սահմանափակել տավարի մսից հումքի ներկրումը Եվրամիությունից: Այս մասին հայտնում է BBC-ն:

Ռուսաստանի անասնաբուժական և ֆիտոսանիտարական հսկողության դաշնային ծառայությունը, որպես այս սահմանափակման պաշտոնական պատճառ, նշել է տավարի մսից հումքի սերտիֆիկատներում ոչ հավաստի տեղեկատվություն տրամադրելու հաճախակիացած դեպքերը:

Ըստ դաշնային ծառայության` տավարի մսի անվան տակ ԵՄ-ից ներմուծվում է խոզի միս: Մինչդեռ դրա ներմուծումը Մաքսային միություն սահմանափակած է:

ԵՄ-ից խոզի մսի ներկրումն արգելվել է այս հունվարին` այն բանից հետո, երբ Լիտվայում բռնկվեց խոզերի աֆրիկյան ժանտախտ: Փետրվարին հիվանդությունն արձանագրվեց նաև Լեհաստանում: