Աֆրիկյանների շենքի բակում վերջին համերգը

Վերջին օրերին Աֆրիկյանների շենքի պահպանության համար մղվող պայքարը զուգորդվում էր կենդանի երաժշտությամբ, պոեզիայով, ինչն ավելի էր համախմբում ու ոգեշնչում ակտիվիստներին ու Աֆրիկյանների շենքի հարցով մտահոգ քաղաքացիներին ու արվեստագետներին:

Սկզբում Աֆրիկյանների շենքում տեղադրվեցին մի քանի աթոռներ, մի քանի աշակերտական նստարաններ. հավաքվում էին ակտիվիստները, յուրատեսակ հերթապահություն իրականացնում: Այդ ընթացքում մի քանի երիտասարդներ կիթառ էին նվագում, հետո ոմանք սկսեցին բանաստեղծություններ արտասանել, ակտիվիստ Զառա Հովհաննիսյանն իր բողոքն արտահայտեց` ջութակ նվագելով, «Մասունք» ազգագրական երգի ու պարի համույթը շենքի ներսում հնչեցրեց ոգևորող երգեր, պարեցին քոչարի, վերջապես, երեկ  ելույթ ունեցավ դաշնակահար Տիգրան Համասյանը:

Բայց եթե բոլոր այդ քաղաքացիները եւ երաժիշտները հնարավորություն ունեին նստելու ու նվագելու շենքի բակում, երեկվանից սկսած` նրանց այդ հնարավորությունն էլ սահմանափակեցին, և Տիգրան Համասյանին այլևս թույլ չտվեցին մտնել շենքի բակ: Երեկվանից արդեն շենքի մուտքը հսկում են ոստիկանները` թույլ չտալով որևէ մեկին մոտենալ շենքին: