Աղջիկ փախցնելու համար դատապարտվածի հայրը սպառնում է ինքնասպան լինել

Այս պահին անկառավարելի իրավիճակ է ՀՀ Վերաքննիչ քրեական դատարանի առջև: Ինչպես  հայտնում է yerkir.am-ի լրագրողը քիչ առաջ դատարանն անփոփոխ թողեց առաջին Կոտայքի մարզի առաջին ատյանի դատարանի վճիռը, որով աղջիկ փախցնելու համար 4 տարվա ազատազրկման էին դատապարտվել  ազգությամբ եզդի Էդիկ Ազմանյանը և Գոռ Սարգսյանը:

Ամբաստանյալների հարազատները փակել էին դատարանի հետնամուտքը և թույլ չէին տալիս ամբաստանյալներին տեղափոխել կալանավայր: Սակայն հետո, երբ մեքենաներով տարան ամբաստանյալներին, մոտ 50 եզդիներ բղավոցներով վազեցին մեքենաների հետևից, որպեսզի թույլ չտան տանել նրանց:

«Ես խոստանում եմ  ինձ այստեղ դանակով կսպանեմ»,- հայտարարեց դատապարտված Էդիկ Ազմանյանի հայրը` Քյարամը: Իսկ մյուսներն էլ հայտարարեցին, որ պատրաստվում են գնալ դեպի «Նուբարաշեն» քրեակատարողական հիմնարկ, ուր տարան դատապարտվածներին:

Ի դեպ, Էդիկ Ազմանյանի մոր ինքնազգացողությունն էլ վճիռը լսելուց հետո վատացել է, նրան տեղափոխել են հիվանդանոց:

Մանրամասները yerkir.am-ի տեսանյութում: