Ձերբակալվել է Երևանում աղմկահարույց կրակոցների մասնակիցներից ևս մեկը

Հունիսի 12-ին, ոստիկանության քննչական գլխավոր վարչության Երևանի քննչական վարչության Քանաքեռ-Զեյթունի քննչական բաժնի քննիչի որոշմամբ, ձերբակալվել է Երևանի Կարապետ Ուլնեցու 72 շենքի բնակիչ` 40-ամյա Սեդրակ Փայասլյանը:

Ֆոտոլրագրող Գագիկ Շամշյանը հայտնում է, որ, Քանաքեռ-Զեյթունի ոստիկանները, օպերատիվ և քննչական համատեղ գործողություններ կատարելով, ստացել են օպերատիվ տեղեկություններ, թե որտեղ է թաքնվում Ս. Փայասլյանը: Վերջինս բացատրական աշխատանքի արդյունքում ներկայացել է ոստիկանություն:

Այսօր Ս. Փայասլյանին ոստիկանության Երևանի վարչության ձերբակալվածների պահման վայրից տեղափոխել են ոստիկանության Քանաքեռ-Զեյթունի բաժին:

Օրեր առաջ Քանաքեռ-Զեյթուն վարչական շրջանում հնչած կրակոցների փաստի առթիվ հարուցված քրգործի շրջանակում ոստիկանության աշխատակիցները որոնում էին մի քանի երիտասարդի՝ 24-ամյա Սամվել Քոթանջյանին, 26-ամյա Հովհաննես Կարապետյանին, 27-ամյա Ռաֆայել Մնացականյանին, 40-ամյա Սեդրակ Փայասլյանին և 21-ամյա Գոռ Հովհաննեսյանին:

Ոստիկանության Քանաքեռ-Զեյթունի բաժնում օպերատիվ տվյալներ էին ստացել, որ այդ օրը նշված անձինք մասնակցել են վիճաբանությանը, որի ժամանակ էլ Ս. Քոթանջյանն իր մոտ եղած ապօրինի պահվող ատրճանակից կրակոցներ էր արձակել:

Մանրամասները` սկզբնաղբյուր կայքում: