Լա լիգան շարունակում է զարմացնել. ամեն ինչ կորոշվի վերջին տուրում

Իսպանական Լա լիգայի 37-րդ տուրը նախորդի պես լի էր անակնկալներով:

Չեմպիոնության համար պայքարող 3 թիմերից ոչ մեկը 2-րդ տուրում անընդմեջ չկարողացավ հաղթանակ տոնել:

«Ատլետիկո Մադրիդ»-ը սեփական հարկի տակ ընդունեց «Մալագա»-ին: Մադրիդցիները 1:0 հաշվով պարտվելուց հետո կարողացան վերականգնել հաշվի հավասարակշռությունը: Հանդիպումն այդ հաշվով էլ ավարտվեց:

«Մադրիդի Ռեալ»-ը հյուրընկալվելով «Սելթա»-ին, 2 գնդակ ընդունեց սեփական դարպասը: Այս պարտությունից հետո «Ռեալ»-ը դուրս մնաց չեմպիոնության համար պայքարից:

«Բարսելոնա»-ն հյուրընկալվելիս գոլազուրկ արդյունքով ավարտեց խաղը «Էլչէ»-ի հետ:

Այսպիսով` վերջին տուրից առաջ «Բարսելոնա»-ն առաջատար «Ատլետիկո Մադրիդ»-ից ետ է մնում 3 միավորով: Վերջին տուրում այս թիմերը կմրցեն միմյանց հետ: